A subdelegada do Goberno en Lugo visita os concellos de Monterroso e Palas de Rei
30/10/2018
O alcalde de Monterroso informou a Isabel Rodríguez dos preparativos da tradicional Feira dos Santos
O rexedor de Palas de Rei faloulle á subdelegada do importante labor da Garda Civil na protección do Camiño de Santiago
A subdelegada do Goberno en Lugo, Isabel Rodríguez, realizou hoxe a primeira visita institucional aos concellos de Monterroso e Palas de Rei, onde se reuniu cos respectivos alcaldes, Miguel Rico e Pablo Taboada, e interesouse polos asuntos de máis importancia para estes dous municipios.
No concello de Monterroso, o alcalde, Miguel Rico, explicoulle á subdelegada do Goberno a marcha dos preparativos da tradicional Feira dos Santos, que se celebrará este xoves. O rexedor destacou a importancia que ten para Monterroso a celebración desta feira, unha das máis importantes de toda Galicia, da que hai referencias escritas dende hai máis de 500 anos e na que haberá orredor de un milleiro de postos. Na cúpula que se instalará perto da Casa do Concello estarán instalados os postos nos que se venderán productos de alimentación de temporada como castañas, noces, carne, queixo ou mel. Nas rúas próximas instalarase o mercadiño de roupa e calzado. Tamén haberá unha zona destinada a artesanía e no mercado gandeiro porase á venda principalmente gando cabalar, porcino e lanar.Do poder de convocatoria da Feira dos Santos de Monterroso, que se prolongará durante toda a xornada, a partir das 8 da mañá, dá idea o feito de que se agarda que a visiten unhas 70.000 persoas.
Antes de reunirse co alcalde, a subdelegada do Goberno asinou no Libro de Honra do Concello monterrosino.
Antes de desplazarse a Monterroso, Isabel Rodríguez efectuou outra visita ao Concello de Palas de Rei, onde mantivo un encontro co alcalde, Pablo Taboada, que destacou o importante labor que leva a cabo a Garda Civil na protección dos numerosos peregrinos que cada ano pasan pola localidade facendo o camiño de Santiago. Neste sentido, o rexedor municipal transmitiulle á subdelegada do Goberno o seu desexo de que se reforze, na medida do posible, o número de axentes que prestan servizo no cuartel de Palas de Rei especialmente durante a temporada na que se rexistra maior afluencia de peregrinos.