O Goberno da luz verde a contratos de conservación de estradas do Estado en Galicia por valor de 46,1 millóns de euros

O Goberno da luz verde a contratos de conservación de estradas do Estado en Galicia por valor de 46,1 millóns de euros

17/09/2020

O BOE publicou a formalización de tres contratos por 20,12 M de euros para o mantemento de vías das provincias de A Coruña, Ourense e Lugo

A eles súmase o contrato autorizado polo Consello de Ministros para estradas da provincia de Pontevedra e que ascende a 25,9 millóns de euros


O Goberno deu luz verde neste mes a contratos de conservación de estradas nas catro provincias galegas por valor de 46,1 millóns de euros. Tres destes contratos foron xa formalizados polo Ministerio de Transportes, Mobilidade e Axenda Urbana (Mitma) e publicados no Boletín Oficial do Estado. Corresponden á conservación e explotación de estradas do Estado nas provincias da Coruña, Lugo e Ourense e supoñen un investimento de 20.212.205,32 euros que se distribuirá ao longo dos próximos tres anos.

A estas actuacións sumarase o contrato de conservación de estradas do Estado na provincia de Pontevedra que autorizou o Consello de Ministros o pasado día 8 e que sairá a licitación por valor de 25.900.000 euros.

O delegado do Goberno, Javier Losada, destacou o compromiso do Ministerio de Transportes con Galicia con iniciativas como esta. Responde ás necesidades das infraestruturas viarias de cada territorio.

ACTUACIÓNS ADXUDICADAS

Polo que respecta á estradas da provincia de Lugo, o Mitma investirá 9.839.072,31 euros en actuacións que mellorarán tramos das seguintes vías: A-6,  LU-11,  N-VI e  N-640. O investimento total é de 9.839.072,31 euros.

Na provincia da Coruña, o Mitma investirá 3.644.412 euros en actuacións que se desenvolverán en diversos tramos das estradas de titularidade estatal: A-54, SC-21, SCX-20, SC-11, N-525, N-547, N-550, N-550a, N-634 y N-634a.

En Ourense, o contrato formalizado supón un investimento de 6.728.959,94 euros para a mellora e conservación de diversos tramos da N-120, N-536, N-542, N-525, N-540, N-541, N-544 y N-120a.

Polo que respecta á Pontevedra, o contrato autorizado ten como obxectivo a conservación e mantemento de tramos das seguintes estradas no sector tres: A-52;  A-55, VG-20, N-120,  N-550, N-551, N-552, N-555, Int. N-550 - Aeropuerto de Peinador, N-559, Enlace Covelo A-52 - Int. N-120.

CARACTERÍSTICAS TÉCNICAS

Os contratos de servizos para a execución de operacións de conservación e explotación na Rede de Estradas do Estado teñen o obxectivo de realizar os traballos de servizos de comunicacións, servizos de vixilancia, atención a accidentes, mantemento dos elementos da estrada, mantemento sistemático das instalacións de subministración de enerxía eléctrica, iluminación, sinalización variable e  semaforización.

Ademais, inclúense os labores de establecemento de inventarios e recoñecementos de estado, axenda de información de estado e funcionamento da estrada, programación, coordinación, seguimento e información da execución dos traballos, actuacións de apoio á explotación, estudos de accidentalidade e informes de seguridade viaria.

Así mesmo, realizaranse os traballos de roza, fresados e reposición do firme, limpeza de cunetas e, en xeral, todos os labores de conservación ordinaria das vías ao seu cargo.